Конјунктивална хиперемија (лекот привремено ги намалува симптомите, црвенило и чешање, предизвикани од различни иританси како прашина, чад, смог, студенило, ветер, сонце, ТВ-зрачење, пливање, употреба на контактни леќи, работа со предмети во близина на очите).Алергиско воспаление на очите предизвикано од полен, трева, животински влакна и др.

Таблетите ГастроГард го намалуваат вишокот желудочна киселина и овозможуваат брзо ублажување на чувството на жарење зад градната коска (жиговина) и на надуеноста.
Таблетите за џвакање ГастроГард се користат за ублажување на желудочните тегоби поврзани со:
нарушено варење на храната, вклучувајќи и нарушено варење на храната во текот на бременоста;
прекумерно консумирање храна и пијалаци;
гастритис, улкусна болест, рефлуксен езофагитис;
нарушувања на црниот дроб или на жолчното ќесе.

Caffetin COLDmax претставува комбиниран препарат кој содржи две активни супстанции, парацетамол и фенилефрин. Парацетамолот ја ублажува болката и ја намалува телесната температура. Фенилефринот, пак, ја намалува назалната конгестија, со што овозможува проодност во носот и во дишните патишта.
Caffetin COLDmax се употребува за ублажување на главните симптоми на настинка и грип (главоболка, болка во мускулите, болка во грлото, назална конгестија, зголемена телесна температура).

Caffetin Cold претставува комбиниран препарат кој содржи повеќе активни супстанции парацетамол, псевдоефедрин, декстрометорфан и витамин Ц.
Парацетамолот ја ублажува болката и ја намалува телесната тампература.
Псевдоефедринот ја намалува назалната конгестија овозможувајќи проодност во носот и во дишните патишта. Декстрометорфанот ја ублажува кашлицата предизвикана од слаба иритација на грлото и на дишните патишта. Витаминот Ц го поттикнува имунолошкиот систем.
Caffetin Cold се употребува за ублажување на главните симптоми на настинка и грип (главоболка, болка во мускулите, болка во грлото, назална конгестија, зголемена телесна температура, кашлица).

Една таблета БлокМАКС Форте содржи 400 mg ибупрофен. Кај луѓето, ибупрофенот ја намалува инфламаторната болка, појавата на оток и покачената телесна температура. БлокМАКС таблетите се употребуваат при:
главоболки, болки во грбот, менструална болка, забоболка, невралгија, ревматоидна болка, мускулна болка, мигрена, симптоми на настинка,
покачена телесна температура и при болка предизвикана од полесни форми на артритис.

5 ml (мала лажичка) суспензија содржи 100 mg ибупрофен.Ибупрофенот се употребува како аналгетик (лек против болка):
за намалување на мускулна болка, главоболка, забоболка.
БлокМАКС за деца, исто така, ја намалува покачената телесна температура (треска), вклучувајќи и покачена телесна температура после вакцинација, и ги ублажува симптомите на настинка и грип.

Магнезиумот придонесува за нормална функција на нервниот систем, нормална мускулна функција, намалување на заморот и на исцрпеноста, нормален електролитен баланс, нормална синтеза на протеини и за нормална психолошка функција. Магнезиумот има улога во процесот на делбата на клетките.
Витаминот Б₁ придонесува за нормална функција на нервниот систем, нормална психолошка функција и за нормална функција на срцето.
Витаминот Б₂ придонесува за нормален метаболизам, создавање енергија, нормална функција на нервниот систем и за заштита на клетките од оксидација.
Витаминот Б₆ придонесува за нормален метаболизам, создавање енергија, нормална функција на нервниот и на имунолошкиот систем, нормална психолошка функција, нормален метаболизам на протеините и на гликогенот и за намалување на заморот и на исцрпеноста.
Витаминот Б₁₂ придонесува за нормална психолошка функција и за намалување на заморот и на исцрпеноста. Витаминот Б₁₂ има улога во процесот на делбата на клетките.

Таблетите и капсулите ПреМама Дуо, како додаток во исхраната, ги задоволуваат зголемените потреби од витамини, минерали и од омега 3 масни киселини пред, за време на и по бременоста.

Една таблета содржи 180 mg витамин Ц.
АЦЕРОЛА АЛКАЛОИД содржи природен витамин Ц добиен од ацерола, цреша од Барбадос. Ацерола Алкалоид е диететски додаток во секојдневната исхрана. Витаминот Ц е есенцијален витамин којшто е растворлив во вода.
Витаминот Ц придонесува за одржување на нормалната функција на имунолошкиот систем во текот на интензивни физички вежби и по нив. Витаминот Ц придонесува за нормално создавање колаген, при што се овозможува нормално функционирање на крвните садови, кожата, коските, ’рскавицата, забите и на непцата. Тој придонесува за нормален метаболизам за создавање енергија, придонесува за нормално функционирање на нервниот систем и за нормално психолошко функционирање. Витаминот Ц придонесува за намалување на заморот и на исцрпеноста.
Витаминот Ц придонесува за заштита на клетките од оксидативен стрес.
Витаминот Ц ја зголемува апсорпцијата на железо.

Капките за очи Прокулин Солзи Адванс со обновувачко и со заштитно дејство се користат за освежување, смирување и за подмачкување на сувите очи и во случаи на иритација на окото како резултат на:
атмосферски фактори (климатизирана средина, преголема изложеност на сончево зрачење, ветер, чад, загадување);
сувост на окото предизвикана од прекумерен замор, како резултат на долготрајна работа пред компјутер или на учење, или од синдром на суво око;
офталмолошки стрес, по оперативен зафат на површината на окото;
носење леќи неколку часа на ден.

Капсулите Диастоп Пробио се користат за превенција и за дополнително лекување пролив, метеоризам (надуеност) и други стомачни нарушувања кои настануваат поради нарушување на рамнотежата на цревната микрофлора. Такви состојби се: бактериски и вирусни желудочно-цревни инфекции кај доенчиња, деца и кај возрасни (на пр. ротавирусни инфекции, пролив кој се појавува при патување); лекување со антибиотици со широк спектар и со хемотерапевтици; зрачење на абдоминалните и на карличните органи.

Вообичаено дозирање: возрасни 1 до 2 обложени раблети, 2 до 3 пати на ден. Деца од 5 до 14 години 1 таблета на ден. Голтнете ја таблетата цела со течност.