Pharmacy

Терапија и превентива на сосотојби при недостаток од витамин Б6: микроцитна и хипохромна анемија, конвулзии кај новороденчиња, полиневритиси и невропатии при терапија со лекови кои содржат изонијазид, пенициламин, хидралазин и циклосерин.
Намалени концентрации на витамин Б6 вообичаено се присутни при диети, уремија, алкохолизам, цироза, хиперпаратиреоидизам, малапсорптивен синдром, кај пациенти со срцева слабост, долготрајна хемодијализа, како и при генетски нарушувања во метаболизмот на аминокиселините.
Зголемени потреби од витамин Б 6 се јавуваат кај геријатриски пациенти, бременост и лактација, и при долготрајна употреба на хормонални контрацептиви.
Други индикации: акни, себореичен дерматитис, хиперлипидемија, озрачување, хиперемезис гравидарум, предменструален синдром, вертиго, хиперкинетски синдром кај деца, хипероксалурија, зависност од пиридоксин кај деца.

Конјунктивална хиперемија (лекот привремено ги намалува симптомите, црвенило и чешање, предизвикани од различни иританси како прашина, чад, смог, студенило, ветер, сонце, ТВ-зрачење, пливање, употреба на контактни леќи, работа со предмети во близина на очите).Алергиско воспаление на очите предизвикано од полен, трева, животински влакна и др.

Таблетите ГастроГард го намалуваат вишокот желудочна киселина и овозможуваат брзо ублажување на чувството на жарење зад градната коска (жиговина) и на надуеноста.
Таблетите за џвакање ГастроГард се користат за ублажување на желудочните тегоби поврзани со:
нарушено варење на храната, вклучувајќи и нарушено варење на храната во текот на бременоста;
прекумерно консумирање храна и пијалаци;
гастритис, улкусна болест, рефлуксен езофагитис;
нарушувања на црниот дроб или на жолчното ќесе.

Caffetin COLDmax претставува комбиниран препарат кој содржи две активни супстанции, парацетамол и фенилефрин. Парацетамолот ја ублажува болката и ја намалува телесната температура. Фенилефринот, пак, ја намалува назалната конгестија, со што овозможува проодност во носот и во дишните патишта.
Caffetin COLDmax се употребува за ублажување на главните симптоми на настинка и грип (главоболка, болка во мускулите, болка во грлото, назална конгестија, зголемена телесна температура).

Caffetin Cold претставува комбиниран препарат кој содржи повеќе активни супстанции парацетамол, псевдоефедрин, декстрометорфан и витамин Ц.
Парацетамолот ја ублажува болката и ја намалува телесната тампература.
Псевдоефедринот ја намалува назалната конгестија овозможувајќи проодност во носот и во дишните патишта. Декстрометорфанот ја ублажува кашлицата предизвикана од слаба иритација на грлото и на дишните патишта. Витаминот Ц го поттикнува имунолошкиот систем.
Caffetin Cold се употребува за ублажување на главните симптоми на настинка и грип (главоболка, болка во мускулите, болка во грлото, назална конгестија, зголемена телесна температура, кашлица).

Блокмакс Рапид се употребува за краткотрајна симптоматска терапија на лесна до умерена болка, како на пример:
лавоболка,
главоболка,
забоболка,
мускулна болка,
болка во грбот и
ревматска болка.

5 ml (мала лажичка) суспензија содржи 100 mg ибупрофен.Ибупрофенот се употребува како аналгетик (лек против болка):
за намалување на мускулна болка, главоболка, забоболка.
БлокМАКС за деца, исто така, ја намалува покачената телесна температура (треска), вклучувајќи и покачена телесна температура после вакцинација, и ги ублажува симптомите на настинка и грип.

Таблетите ЛУНЕРБА ПЛУС се користат како додаток во исхраната. Дејството на оваа комбинација е во функција на здравиот сон. Мелатонинот придонесува за скратување на времето потребно за заспивање и за ублажување на субјективното чувство на замор предизвикано од промена на временските зони (jet lag). Валеријаната, пасифлората, маточината и калифорниската булка/мак придонесуваат за релаксација и за полесно заспивање и во состојби на стрес.

Таблетите ЛУНЕРБА се користат како додаток во исхраната. Магнезиумот и витаминот Б6 придонесуваат за нормална функција на нервниот систем, нормална психолошка функција и за намалување на заморот и на исцрпеноста. Валеријаната, пасифлората, маточината и калифорниската булка/мак традиционално се употребуваат за намалување на благите симптоми на стрес.

БиоКрил Актив е диететски додаток во исхраната. Масните киселини омега 3 од криловото масло помагаат за регулирање на нивото на холестерол во крвта и придонесуваат за нормално функционирање на срцето и на крвните садови.

Витаминот А придонесува за одржување здрава кожа и слузокожа, како и за одржување на видот и за нормално функционирање на имунолошкиот систем.
Витаминот Д придонесува за нормална апсорпција/искористување на калциумот и на фосфорот, за одржување на коските и за нормална мускулна функција. Недостигот на витамин Д може да предизвика остеомалација (омекнување на коските) кај возрасни и остеопороза кај постари лица. Витаминот Д придонесува за нормална концентрација на калциум во крвта и за одржување здрави заби. Тој, исто така, придонесува за нормална функција на имунолошкиот систем.
Витаминот Д е потребен за нормален раст и развој на коските кај децата.

Една таблета содржи 500 mg природен витамин Ц добиен од ацерола, цреша од Барбадос. Ацерола Алкалоид е диететски додаток во секојдневната исхрана. Витаминот Ц е есенцијален витамин којшто е растворлив во вода.
Витаминот Ц придонесува за одржување на нормалната функција на имунолошкиот систем во текот на интензивни физички вежби и по нив. Витаминот Ц придонесува за нормално создавање колаген, при што се овозможува нормално функционирање на крвните садови, кожата, коските, ’рскавицата, забите и на непцата. Тој придонесува за нормален метаболизам за создавање енергија, придонесува за нормално функционирање на нервниот систем и за нормално психолошко функционирање. Витаминот Ц придонесува за намалување на заморот и на исцрпеноста.
Витаминот Ц придонесува за заштита на клетките од оксидативен стрес.
Витаминот Ц ја зголемува апсорпцијата на железо.

Аспираторот за нос Becutan KIDS VITS е медицинско средство наменето за безбедно отстранување на секретот и на слузта од носот на бебето, по пат на нежно вшмукување. Секое парче содржи апсорбирачки филтер којшто ја задржува слузта, со што се гарантира хигиената.
Производот е индициран за употреба при грип, настинки, синуситис и при сите болести што предизвикуваат прекумерна секреција од носот. На овој начин, назалниот аспиратор овозможува нормализирање на дишењето и подобрување на состојбата кај бебето. Се препорачува претходно ноздрите да се исчистат со назалниот изотоничен раствор Becutan KIDS VITS, со што слузта ќе стане потечна и ќе се олесни извлекувањето на секретот по пат на вшмукување.

Капсулите Диастоп Пробио се користат за превенција и за дополнително лекување пролив, метеоризам (надуеност) и други стомачни нарушувања кои настануваат поради нарушување на рамнотежата на цревната микрофлора. Такви состојби се: бактериски и вирусни желудочно-цревни инфекции кај доенчиња, деца и кај возрасни (на пр. ротавирусни инфекции, пролив кој се појавува при патување); лекување со антибиотици со широк спектар и со хемотерапевтици; зрачење на абдоминалните и на карличните органи.