Опис
Солд3евит® содржи витамин Д3, односно холекалциферол кој е липосолубилeн
витамин и придонесува за нормална апсорпција и искористување на
калциумот и фосфорот во организмот, што претставува основ за правилна
изградба на коските и забите. Витаминот Д3 е важен за нормална работа на
мускулите и нормална функција на имуниот систем. Овој витамин се создава
во кожата од 7-дехидрохолестерол, под дејство на ултравиолетовото зрачење.
Во хепарот и бубрезите се преработува во активен облик, а се складира во
хепарот, мускулите и масното ткиво. Иако се создава во кожата и се внесува во
организмот со храна, кај луѓе од различни старосни групи ширум светот
постои негов недостаток. Недоволен внес на витамин Д или недостаток на
истиот се јавува кај лица кои не се доволно изложени на сончева светлина, кај
лица со потемна боја на кожата, кај постари лица, лица со вишок килограми,
доилки, лица на диета и лица кои употребуваат одредени лекови (стероиди,
лекови за слабеење и лекови за намалување на холестеролот). Со цел да се
спречи недостатокот на витамин Д3 се препорачува негова суплементација од
најрана возраст, посебно кај жени во менопауза, лица со вишок килограми и
лица кои не се изложуваат доволно на сончева светлина.
Критики
Нема критики сеуште.