Опис
Главни фитохемиски компоненти на исландскиот лишај се глуканите (лихенин и изолихенин) во склоп на полисахаридна смеса, во количество до 50%. Од другите компоненти содржи фумаропротоцетрарна, протохолестеринска и уснинска киселина. Фумаропротоцетрарна киселина го дава горчливиот вкус, а уснинската има фитонцидно(антимикробно) дејство.
Исландскиот лишај се користи како слузно средство амара муцилагиносум. Делува антимикробно и антитусично. Има изразено респираторно против-воспалително дејство преку стимулација на формирање на заштитен мукозен слој. Директно влијае на заштита на респираторната слузница од надворешни дразби, супресија на почетна неспецифична сува кашлица.
Екстрактот од цветот на камилица содржи етерично масло од 0,3-1,5% кумарини (умбелиферон, херниарин), слузи, флавоноиди, горчливи состојки. Од флавоноидните компоненти значајни се апигенин, лутеолин и кверцетин и нивни хетерозиди. За дрогата е карактеристичен патулитрин. Присутни се и други метилирани флавоноиди. Од горчливите состојки значајни се сесквитерпенски лактони: матрицин, матрикарин и дезацетилматрицин.
Делува антифлогистично, антиинфламаторно, антиулцерогено, бактерицидно, фунгицидно и спазмолитично. Сите овие делувања се клинички тестирани и потврдени.
Маточината содржи етерично масло (0,02%-0,3%) каде доминираат монотерпенски алдехиди. Значајно е присуството на розмаринска, хлорогенска и кафеична киселина, флавоноиди, тритерпени и др. Делува благо седативно, спазмолитично, карминативно, антимикробно и благо антивирално дејство.
Критики
Нема критики сеуште.